Paraiso Antzerkia 2007 urtean hogeita hamar urte bete zituen konpainia sendoa da, eta Antzerkiarekin, Haurtzaroarekin eta Hezkuntzarekin erlazionatutako esku hartzeko proiektu globala garatzen du.

Bere jarduera Antzerkian oinarritzen da, baina jardunbide asko ditu:

• Haurrei eta gazteei zuzendutako antzerki ikuskizunak egiten eta banatzen ditu, ospe handiko konpainia europarrekin koprodukzioak eginez eta Europan gogoeta-erakusketa foroetan parte hartuz.

• Bi antzerki areto zuzentzen eta kudeatzen ditu, duela 13 urtetik: Beñat-Etxepare Aretoa, Gasteizko Udalarekin egindako hitzarmenarekin, eta Mitusu Aretoa, Bilboko Udalarekin eta Bizkaiko Aldundiarekin elkarlanean. Guztira 40.000 ikuslek hartzen dute parte urtero horietan.

• “Antzerkia Eskolara Heltzan da” Kanpaina egin du, Arabako Foru Aldundiak lagunduta. Antzerkiaren eta Artearen proiektu garrantzitsua da, Arabako landa eremuetako ikastetxeetako ikusleak prestatzera bideratua.

• Haurtxo Proiektua saila zuzentzen du, Gasteizko Nazioarteko Antzerki Jaialdian.

• Hiru elkarte profesionaletako Zuzendaritza Batzordetako kide eratzailea eta partaidea da. TE VEO (Haur eta Gazteentzako Antzerki Konpainia Nazionalen Elkartea), ESKENA (Euskadiko Arte Eszenikoen Elkartea) sortu eta zuzentzen du eta RED MIRA (Haurrentzako eta Gazteentzako Espainiako Antzerki Sarea)

Paraiso Antzerkia antzerkigintzako enpresa berritzailea da, erabiltzen dituen gaiei, formatuei eta metodoei dagokienez, eta publikoarekin eta gizartearekin konpromiso iraunkorra ezarri du.